Kryeministri Edi Rama zhvilloi një takim dy ditorë në Dibër, në kuadër të fushatës elektorale. Sot kryeministri ka ndarë një video nga takimi me grupin e asamblesë socialiste të Dibrës.
Në video fillimisht shihet surpriza që i kanë bërë bashkëkryetares së Dibrës, e cila feston ditëlindjen.
“Ne jemi Partia Socialiste e tërmetit, domethënë e Dibrës. Po ishte tërmet me një kryetar me bashkëkryetaren që kishte dhe ditëlindjen që sapo fiku qirinjt do jetë cunam” dëgjohet të thotë Rama në video, teksa krah tij është dhe zëvëndëskryeministrja Belinda Balluku.
Nën hijen e “Dosjes 184”
Në zgjedhjet që pasuan socialistët garuan me Muharrem Ramën, i cili ndryshe nga sa pritej fitoi me një diferencë të shtuar prej 4,232 votash ndaj kandidatit të Partisë Demokratike. Ky dominimim i Partisë Socialiste dhe aleatëve të tyre të PDIU, e njohur ndryshe si partia e komunitetit çam, do të vijonte edhe në zgjedhjet për Kuvend në vitin 2017-të. Këto fitore të thella të socialistëve dhe rritja elektorale e PDIU – pavarësisht se në Dibër nuk ka një komunitet çam, ngritën dyshime. Një sërë përgjimesh të publikuara fillimisht në vitin 2019 pas një investigimi të BIRN dhe Zërit të Amerikës, treguan se një sërë funksionarësh shtetërore dhe persona të tjerë pranë socialistëve kishin manipuluar votat.
Hetimet e zvarritura të prokurorisë dolën po ashtu në të njëjtin përfundim edhe pse shumica e personave të akuzuar për blerje vote nuk u dërguan në gjykatë, për shkak të afateve. Skandali i blerjes së votave u përdor nga opozita si motiv për të braktisur mandatet në Kuvend dhe bojkotuar zgjedhjet lokale të vitit 2019. Në këtë të fundit Dionis Imeraj, i cili qe një ndër personat e përmendur në “Dosjen 184” mori si kandidat i vetëm në zgjedhje gati 13,000 vota.
Por hesapet me “Dosjen 184” nuk kanë përfunduar ende. Prej gati 1 viti e gjysmë, vijojne gjyqet në gjykatën e Dibrës. Por gjykimi i avashtë i të akuzuarve për abuzim me detyrën dhe presion ndaj zgjedhësve, nuk duket se ka ndikuar shumë në perceptimin e banorëve të kësaj bashkie mbi sigurinë e votës.
