Në 10 vite qeverisje dhe 3 mandate si kryeministër Edi Rama sa herë që viziton qarkun e Dibrës për qëllime elektorale përdor “Rrugën e Arbrit” si premtimin kryesor të fushatës.
Pavarësisht se ndërtimi i veprës infrastrukturore më të rëndësishme për këtë qark ka nisur prej vitesh, ajo ende nuk ka përfunduar dhe gllabëruar milionë euro nga buxheti i shtetit.
Por fajin që ky aks me rëndësi të madhe nuk është ende i aksesueshëm për qytetarët, për Edi Ramën duket se ka fati i keq dhe “syri”.
Këtë ka lënë të kutptohet vetë shefi i qeverisë në Peshkopi ku ka vijuar me ditën e dytë të takimeve me mbështetësit e Partisë Socialiste.
Teska sërish premtoi se “Rruga e Arbrit” do përfundojë së shpejti për ta bërë Dibrën kopshtin e gjelbër të Tiranës, Rama tha se janë “marrë mësysh dhe i kanë bërë magji”.
“Ne sot jo vetëm rrugën e Arbrit që do ta kishim përfunduar në rast se nuk do të kishte dalë gjeologjia problematike në tunelin e Murrizit, ku vazhdon puna, por ecet një metër në ditë. Në tunelin e Llogarasë 25 metra në ditë. Na kanë marrë më sysh, shkurt muhabeti, s’kanë lënë magji pa na bërë. Por në fund tuneli do hapet. Ndërkohë që hapet tuneli ne do fillojmë lidhjen e Peshkopisë me Maqellarën, që mos dëgjoj llafe nga dibranët në bulevard. Ne do ta lidhim me Peshkopinë, kështu që nga kafja në qendër të Tironës do shkohet me rrugën e Arbrit”, tha Rama.
