Kryeministri Edi Rama, në takimin e tij me operatorët turistikë në Dibër, tha se së shpejti në Burrel do të ketë 24 orë ujë.
Më pas ai tha se edhe Norvegjia ka kaluar situata të vështira në fillim të shekullit të kaluar, por nuk janë ankuar si shqiptarët që thonë se po vdesin për bukë. Ai shton se shqiptarët nuk vdiqën për bukë në kohën e Skënderbeut e jo më tani.
“Norvegjia u zbraz total ish në fillimet e shekullit të kaluar, pasi në vend kishte uri. Por jo si këta këtu që thonë se shqiptarët po vdesin për bukë, shqiptarët nuk vdiqën në kohën e Skënderbeut e jo më tani. Thonë pse flasim për satelitë. Po, po ne dërgojmë dhe satelitë dhe po punojmë që Shqipëria të ketë ujë 24 orë.
Ne flasim për satelitët, por ende nuk ka ujë 24 orës. Ky nuk është faji ynë. Mos dëgjoni hienat. Dhe hienë dhe non grata nuk durohet, më falni që e përmenda. Në Burrel së shpejti do të ketë 24 orë ujë”, tha Rama.
