Anëtarët e bandës shqiptare që dyshohet se vranë një 23-vjeçar në Cardiff, Britani synonin t’i “jepnin një mësim” në vend që ta vrisnin, është thënë në Gjykatë.
Trupi i Tomasz Waga u gjet me lëndime të shumta në zonën Penylan të qytetit në janar 2021. Ai u kap nga grupi i shqiptarëve duke vjedhur shtëpinë e tyre të barit në Newport Road në zonën Roath të qytetit.
Josif Nushi, Mihal Dhana, Gledis Mehalla, Mario Qato dhe Hysland Aliaj e mohuan vrasjen.
Prokurori Greg Bull KC tha se qëllimi i tyre nuk ishte ta vrisin, por ta merrnin në pyetje.
“Nuk kishte domosdoshmërisht një tentativë vrasje këtu, por kishte një qëllim për të bërë një dëm vërtet serioz për t’i dhënë atij një mësim dhe për të marrë sa më shumë informacion prej tij që të mundeshin në mënyrë që ata dhe shefat e tyre të mund t’i merrnin gjërat më seriozisht. Ata në fakt e rrëmbyen dhe e futën në makinën Mercedes. Ata njerëz nuk po dilnin për qejf, as për të bërë pazar. Ata po shkonin atje për një qëllim dhe ky qëllim ishte të mbronin një magazinë kanabisi”.
Trupit gjykues iu tha se të gjithë të pandehurit përveç Mario Qatos ikën në Shqipëri. Qato u arrestua më vonë pas ngjarjes. Katër të pandehurit e tjerë u arrestuan në Shqipëri dhe u ekstraduan në Britaninë e Madhe, shkruajnë mediat britanike.
