Enti Rregullator i Energjisë njoftoi sot se për muajt nëntor-dhjetor të këtij viti, do të aplikohet çmimi 44 lekë për kilovat mbi fashën 800 KW.
Kryeministri Edi Rama deklaroi nga Bulqiza se nuk është qeveria ajo që vendos për rritjen e çmimit të energjisë elektrike. Rama tha se qeveria vendos fashën, ndërsa ERE çmimin.
“Dalin prapë dhe thonë u rrit çmimi. Cili çmim u rrit, si u rrit? Çmimi i energjisë është në faturë. Është e vërtetë që ne kemi vendosur fashë. ERE nuk vendos fashë, fashën e vendos, kush e ka në administrim dhe në administrim e ka shteti.
ERE vendos sa është çmimi. Do të vësh çmimin e liberalizuar, është kaq. Paguajnë njerëzit 9.5 lekë, çmimi është 44 lekë, aq kushton. Ne detyrohemi të dalim në import, Shqipëria nuk i ka të gjitha burimet që i duhen për nevojat e veta”, theksoi ai.
