I dërguari i posaçëm i Gjermanisë për Ballkanin Perëndimor, Manuel Sarrazin tha se Berlini përkrah liberalizimin e vizave për Kosovën.
Po ashtu ai theksoi se Gjermania po punon me partnerët europianë për të përmbyllur këtë proces.
“Qëllimi im tani është që ne të bëjmë pjesën tonë. Kjo është më e mira. Të tregojmë përfitime konkrete që qytetarët të udhëtojnë lirshëm në rajon dhe njerëzit ta dinë se diçka po zhvillohet pozitivisht. Liberalizimi i vizave në Kosovë është vendimtar. Vetëm nëse e përmbushim këtë ne mund të kemi një efekt shumë pozitiv në rajon, sepse qytetarët e Kosovës, me të drejtë kanë pritur që më në fund t`i shohin këto procese të sjellin përfitime konkrete në jetën e tyre të përditshme”, tha ai.
Manuel Sarrazin konfirmoi ekzistimin e propozimit gjermano-francez për marrëveshjen Kosovë-Serbi dhe e cilësoi atë si një dokument të rëndësishëm dhe të dobishëm
