Një shqiptar ka vrarë një shtetas marokien në Itali, duke e qëlluar më dy plumba në bark dhe gjoks.
Mediat vendas bëjnë me dije se shkaku i sherrit mes shqiptarit dhe marokenit, ka ardhur pasi ky i fundit ka fyer të dashurën e shqiptarit.
“Mëso si trajtohet një femër’, kështu i është drejtuar shqiptari marokenit para se ta qëllonte me pistoletë në gjoks.
Si ndodhi ngjarja?
Ngjarja ka ndodhur rreth orës 11 të mbrëmjes së të dielës. E dashura e shqiptarit ka diskutuar me marokenin dhe iu është drejtuar: “Çfarë dini ju se si trajtohen femrat, në vendin tuaj nuk i lini as të dalin nga shtëpia”.
Kjo fjali e thënë nga gruaja e ka zemëruar marokenin që ishte i dehur. Debati mes tyre se si duhet të trajtohen gratë ka zgjatur për disa minuta.
Ndërkohë shqiptari ka shkuar në makinë ka marrë armën dhe e ka qëlluar në gjoks dhe bark.
Sipas hetuesve, markokeni i plagosur dhe i gjakosur ka arritur të hipë në makinën e tij dhe të ndezë motorin, ka shtypur pedalin në gaz dhe është larguar.
Por ai nuk shkoi larg, pasi disa qindra metrash ka humbur ndjenjat.
Karabinierët kontrolluan zonën dhe në via Varese, në mes të rrugës, vunë re makinën e marokenit. 45-vjeçari u dërgua në spital por nuk i mbijetoi plagëve të marra.
Burimi: Ilgiorno
