Të shtëna me armë zjarri janë regjistruar një natë më parë në Shkodër pas një konflikti të çastit mes tre personave, dy prej tyre vëllezër.
Në pranga ka rënë David Kiri, ndërsa në kërkim mbeten Ardian Kiri dhe Kristian Fermosi. Gjatë debatit të Ardianit dhe Kristianit, mbërriti Davidi, i cili goditi me makinë Kristian Fermosin. Ky i fundit ka nxjerrë armën dhe ka qëlluar në drejtim të mjetit por dy vëllezërit kanë arritur t’i shpëtojnë plumbave.
Ardian Kiri njihet si një eksponent i Partisë Socialiste në Shkodër dhe rezulton se ka qënë dhe i akuzuar për një vrasje. Atë të Marjan Martinit. Martini është vrarë në vitin 2013 në fshatin Gur i Zi. Në atë kohë, u raportua se Martini vdiq aksidentalisht, pasi dy grupe të rinjsh ishin duke u konfliktuar me njëri-tjetrin.
Po ashtu, Kiri ka qënë i hetuar për tentativë për vrasje të Nik Gjonlulaj dhe djalit të tij Amarildo Gjonlulaj. Ai është dënuar nga Gjykata vetëm për akuzën e “Armë mbajtjes pa leje” me 5 vite burgim ndërsa Apeli e la të lirë.
Si ndodhi ngjarja?
Ngjarja ndodhi në lagjen “Skënderbeg”, rreth orës 23:00, ku fillimisht shtetasit Kristian Fermosi dhe Ardjan Kiri kane debatuar dhe më pas janë konfliktuar me njërin tjetrin.
Gjatë debatit ka ardhur me një automjet vëllai i Ardjan Kirit, shtetasi David Kiri i cili ka goditur me makinë shtetasin Kristian Fermosi.
Ky i fundit ka nxjerrë armën dhe ka qëlluar në drejtim të mjetit por dy vëllezërit kanë arritur t’i shpëtojnë plumbave.
Policia pas kësaj ngjarje ka arrestuar shtetasin David Kiri ndërsa është duke punuar për gjetjen dhe kapjen e vëllait te tij Ardjan Kiri dhe personit që u konfliktua me të Kristian Fermosi.
Ndërsa arsyet e konfliktit mbeten ende të paqarta.
