Lulëzim Jupi është vënë në pranga nga policia pasi është kapur duke transportuar emigrantë të paligjshëm.
Gjatë operacionit ‘Savër’ është kryer arrestimi i Lulëzim Jupit, i cili u ndalua në aksin rrugor “Fier-Lushnjë”, duke transportuar kundrejt fitimit, me automjet, 4 emigrantë, për kalim të paligjshëm të kufirit.
“Fier / Finalizohet operacioni policor i koduar “Savër”, për evidentimin dhe goditjen e dhënies ndihmë emigrantëve, kundrejt fitimit, për kalim të paligjshëm të kufirit. U kap në flagrancë, duke transportuar emigrantë, për kalim të paligjshëm të kufirit, vihet në pranga 44-vjeçari. Si rezultat i të cilit u arrestua në flagrancë shtetasi:
– L. J., 44 vjeç, banues në Delvinë, për veprën penale “Ndihma për kalim të paligjshëm të kufijve”, pasi u kap nga shërbimet e Policisë Rrugore Fier, në aksin rrugor “Fier-Lushnjë”, duke transportuar kundrejt fitimit, me automjet, 4 emigrantë, për kalim të paligjshëm të kufirit”, njofton policia.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.
