Kryeministri i Kosovës, Albin Kurti ka konfirmuar se qeveria e tij nuk tërhiqet nga vendimi në lidhje me reciprocitetin e targave. Kurti u shpreh se sipas vendimit të marrë në fund të gushtit, afati i fundit kur qytetarët mund t’i kthejnë targat në targa legjitime RKS është data 31 tetor.
Presidenti i Serbisë, Aleksandar Vuçiç, ka thënë se shteti serb do të qëndrojë në krah të serbëve në Kosovë, të cilët, sipas tij, kanë treguar se nuk duan të dëgjojnë Albin Kurtin as të tjerët, lidhur me konvertimin e tabelave ilegale të lëshuar në Serbi në ato RKS.
Vuçiç, siç transmeton agjencia serbe e lajmeve Tanjug, ka deklaruar kështu, duke iu përgjigjur pyetjes nëse a do të fillojë konfiskimi i makinave të serbëve, që nuk janë riregjistruar pas 31 tetorit. Ai tha se nuk mund të pritet reagimi i bashkësisë ndërkombëtare, sepse, sipas tij të gjithë nga QUINT-i a do të thonë se janë kundër dhe se ata kërkuan nga Prishtina një shtyrje, por Kurti ishte kundër.
“Kohë të vështira po vijnë për njerëzit tanë dhe do të ishte çmenduri të parashikonim ndonjë gjë tani. Ne do të jemi me serbët në Kosovë, të cilët kanë treguar se nuk duan të dëgjojnë Kurtin apo të tjerët, por veten dhe ndërgjegjen e tyre, duan që të respektohen të drejtat e tyre”, tha ai.
