Pas debatit për hapjen e dosjeve dhe votimit në Kuvend dhe lidhja e gjithë këtij procesi me emrin e Ilir Metës, ka reaguar Sekretari i Përgjithshëm i Partisë së Lirisë, Tedi Blushi.
Në një postim në rrjetin social Facebook, Blushi shkruan se ata që përpiqen të lidhin emrin e Metës me dosjet, janë tëkorruptuar dhe asgjë më shumë se shërbëtorë të Edi ramës.
Po kështu Blushi thotë se në këtë batak kanë rënë edhe deputetët mbështetës të Lulzim Bashës.
Më tej Blushi shprehet se procesi gjyqësor me Autoritetin e Dosjeve do të shkojë deri në fund.
Postimi
Të gjithë ata që përpiqen të lidhin emrin e Ilir Metës me çështjen e dosjeve janë vetëm të korruptuar nga Edi Rama, piktori i Sigurimit të Shtetit, djali i atij që vari poetin e lirisë, Havzi Nela dhe nipi i Kolekës.
Tmerri që i ka kapur nga Partia e Lirisë është shumë i drejtë sepse ata e kanë të qartë fundin e tyre dhe ndëshkimin që i pret.
Përpjekjet për të spostuar vëmendjen nga inceneratorët dhe korrupsioni madhor i Edi Ramës, me falsifikime dhe manipulime janë të pashpresa.
Ilir Meta ka qenë jo vetëm një drejtues i Lëvizjes Studentore, që solli pluralizmin politik në Dhjetor ’90, por është edhe garancia kryesore për rivendosjen e pluralizmit politik dhe shporrjen e bandës së Rilindjes nga pushteti.
Deputetët e Lulushit që i mbajnë ison Ramës janë edhe më të pashpresë pasi ata që sillen si kërpëratë do të shuhen si kërpërata nga politika.
Procesi gjyqësor me Autoritetin e Manipulimit të Dosjeve do të shkojë deri në fund!
