Kryetari i Partisë Demokratike, Sali Berisha ka bërë thirrje për mbështetje të protestës kombëtare të lajmëruar nga pedagogët këtë të hënë.
Në një postim në FB, Berisha thotë se protesta do të jetë e fuqishme dhe do të ketë bojkot të procesit mësimor.
“Sot, në ora 11:00, bojkot dhe protestë e fuqishme kombëtare universitare para Korpusit Qendror të UPT-së. Mbështetje totale protestës universitare! sb“, shkruan Berisha.
Ashtu siç është paralajmëruar sot do të zhvillohet protesta e radhës kombëtare e trupës së pedagogëve, të cilët do të grumbullohen në orën 11:00 së bashku me studentët, në ambientet e jashtme të Universitetit Politeknik.
Kjo protestë pritet të jetë gjithëpërfshirëse, ku do të marrin pjesë edhe pedagogë nga universitetet e rretheve.
Kreu i Sindikatës së pedagogëve Sandër Kovaçi deklaroi të shtunën, më 21 tetor se tubimi i sotëm do të jetë masiv dhe kërkoi nga studentët t’i bashkëngjisin një listë me kërkesa asaj të pedagogëve.
