Një virus i zakonshëm në mesin e fëmijëve të vegjël po shoënon raste gjithnjë e më të larta në SHBA duke ngjallur shqetësime se spitalet mund të mbingarkohen këtë vit nga virozat e mundshme të dimrit si në grip ashtu edhe në COVID-19.
Virusi sincicial i frymëmarrjes (RSV) është tepër i zakonshëm, ku pothuajse të gjithë janë ekspozuar ndaj patogjenit deri në moshën 2-vjeçare. Te të rriturit e shëndetshëm dhe fëmijët më të rritur, RSV zakonisht shkakton simptoma të buta, të ngjashme me të ftohtin, të cilat largohen me pushim dhe kujdes për veten.
Fëmijët më të vegjël, veçanërisht ata nën 6 muajsh, kanë rrezikun më të lartë të zhvillimit të rasteve të rënda që mund të çojnë në shtrimin në spital.
Aktualisht nuk ka vaksina të disponueshme për RSV dhe trajtimi i vetëm është antitrupat monoklonal, zakonisht të rezervuara për rastet me rrezik jashtëzakonisht të lartë, duke përfshirë foshnjat e lindura para kohe ose ato me sëmundje kronike të lidhura me zemrën dhe mushkëritë.
Të dhënat nga Qendrat për Kontrollin dhe Parandalimin e Sëmundjeve (CDC) tregojnë se më shumë se 4,000 raste të RSV raportohen çdo javë kohët e fundit, një rritje e madhe e ngjashme me atë që u përjetua në fund të vitit 2021.
