Policia italiane i ka dhënë një goditje të konsiderueshme trafikut të drogës përgjatë bregdetit. Gjatë një shërbimi normal të kontrollit të territorit policia ka hasur dy persona një burrë dhe një grua rreth 40 vjeç të dy me kombësi shqiptare të cilët janë shfaqur shumë nervozë gjatë ndalimit.
Sipas medaive italiane, pas kontrollit është zbuluar rreth 6 kilogramë hashash si dhe 2 kilogramë heroinë dhe rreth 250 gramë kokainë.
Sipas hetimeve çifti shqiptar banonin diku tjetër dhe ndodheshin përgjatë rrugëve të qytetit Riviaresca, por sjellja e tyre bëri që policia të kryente një kontroll brenda një apartamenti që menaxhohej nga të dy në zonën e qendrës, ku u gjetën lloje të ndryshme droge, peshore precize, para, telefona dhe një makinë.
Kështu të dy u arrestuan dhe u dërguan në burg dhe i gjithë materiali u sekuestrua.
