Islam Makhachev mundi Charles Oliveira në raundin e dytë për t’u bërë kampion i ri i peshave të lehta të UFC.
Dy goditje të shpejta në mesin e raundit të dytë befasuan Oliveira, që ra në tapet dhe nuk e mori më veten. Makhachev përfitoi nga mundësia e artë që iu dha, duke kapur rivalin brazilian, që u detyrua të dorëzohej. Një triumf i merituar për rusin, në përfundim të një sfidë që deri në ato momente e kishte dominuar.
Goditjet e afërta të Makhachev coroditën mjaft Oliveira, që megjithëse u përpoq me disa kapje, nuk ishte shumë i zhdërvjellët në kafaz. Makhachev mori kështu titullin kampion të peshës së lehtë, titull që ishte vakant që prej muajit maj, kur Oliveira dështoi të kapë peshën. Festë e madhe pas duelit, me Khabib që mbajti në krahë kampionin e ri të botës..
Pas ndeshjes Makhachev i hapi sfidë kampionit të peshës “featherweight” Aleksandër Volkanovski, ndërkohë, Oliviera kërkoi që Dana White t’i jepte një ndeshje revanshi ndaj Makhachev.
ISLAM MAKHACHEV IS THE UNDISPUTED LW CHAMPION OF THE WORLD! 🏆
[ @MakhachevMMA | #UFC280 ] pic.twitter.com/aJzHlS6fxF
— UFC (@ufc) October 22, 2022