Policia e Tiranës është vënë në kërkim të një 51-vjeçari me iniciale Gj.M., i cili gjatë një konflikti me të fejuarën e tij, e ka qëlluar këtë të fundit me thikë.
E fejuara e tij 38-vjeçare ndodhet në spital dhe jashtë rrezikut për jetën.
“Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurori dhe po punojnë për kapjen e shtetasit Gj. M., 51 vjeç, pasi gjatë një konflikti për motive të dobëta, mbrëmjen e djeshme, ka goditur me mjet prerës, të fejuarën e tij 38-vjeçare, e cila ndodhet jashtë rrezikut për jetën”, njofton Policia e Tiranës.
Materialet i kaluan Prokurorisë, për veprime të mëtejshme procedurale.
