Për të parën herë në histori në Itali është thyer hegjemonia e burrave dhe vendi do të qeveriset nga një kryeministre femër.
Tanimë kjo edhe zyrtarisht, pasi liderja e ekstremit të djathtë Giorgia Meloni është betuar si kryeministre e Italisë.
Liderja e “Vëllezërve të Italisë” (FdI), Giorgia Meloni u betua përpara Presidentit Sergio Mattarella në orët e para të mëngjesit.
Meloni merr stafetën për drejtimin e qeverisë nga Mario Draghi pasi FdI-ja e saj udhëhoqi koalicionin e krahut të djathtë drejt fitores në zgjedhjet e përgjithshme të muajit të kaluar, duke fituar rreth 26% të votave.
Kabineti prej 24 anëtarësh i Melonit, i cili përbëhet vetëm 6 gra ministre, u betua pas saj.
