Ilir Meta dhe drejtuesit më të lartë të Partisë së Lirisë ndodhen sot në qarkun e Beratit, për të zhvilluar takime me strukturat e kësaj force politike, duke i prirë nisjes së fushatës elektorale për zgjedhjet lokale 2023.
Fillimisht ata janë ndalur në Kuçovë, qytetin e naftëtarëve që sipas Sekretarit të Përgjithshëm të PL, Tedi Blushi po e paguan çmimin e karburantit pesë herë më shumë sesa në Ukrainën që gjendet në luftë.
Sipas Blushit, qyteti është tradhtuar nga mazhoranca e Edi Ramës, e cila e ka parë Kuçovën vetëm si mundësi për ta vjedhur.
Më tej, Sekretari i Përgjithshëm i PL tha se në përkrahësit e kësaj force janë të gjithë pilotë të cilët do e shkatërrojnë qeverinë e korruptuar dhe të inkriminuar të Edi Ramës.
“Në qytetin e naftës, paguhet çmimi më i shtrenjtë se në Ukrainë. Paguhet 5-fish me shtrenjtë. Rilindja nuk e do Kuçovën sepse profesioni saj është mashtrimi. Kuçova është keqtrajtuar nga Rilindja dhe është parë si mundësi për ta zhvatur dhe për t’i vjedhur naftën. Kuçova e ka treguar që nga vitit ’36 se di të luftojë për të drejtat e saj. Prandaj nga qyteti i aviatorëve, ne i themi Edi Ramës që ne jemi të gjithë pilotë dhe do ta shembim një orë e më parë këtë Qeveri të korruptuar dhe të inkriminuar”, tha Blushi.
