Një nga shokët e Lear Kurtit, në një lidhje telefonike për emisionin “Riview” në Euronews Albania, është shprehur se 32-vjeçarin e ka gjetur të shtrirë në tokë në komisariat.
Ai u shpreh se ndaj Lear Kurtit është ushtruar dhunë barbare ndërsa theksoi se policia nuk i ka dhënë ndihmën e parë.
“Kam shkuar në rajon atë natë dhe Learin e kam gjetur të shtrirë në tokë. Para dy javësh Leari ishte në të njëjtën situatë. Fajin e ka të gjithë policia, sepse nuk i ka dhënë ndihmën e parë dhe e dyta ka pasur dhunë. Kanë ushtruar dhunë të tepruar. Learin e kanë goditur në kokë dhe në trup”- u shpreh ai.
Laer Kurti, 32vjeç ndërroi jetë, mbrëmjen e së mërkurës (19 tetor) pasi u shoqërua në komisariatin nr.3 në kryeqytet.
