Të rinjtë e FRPD-së kanë protestauar në Lezhë për vrasjen e Lear Kurtit. Ata u shprehën se policia duhet të jetë mbrojtëse ndaj qytetarit shqiptarë, dhe shteti me këto veprime po e largon rininë nga vendi.
Ata i bëjnë thirrje të rinjve të ngrihen në protestë për këtë vrasje makabre që sipas tyre ka bërë policia.
“Partia Demokratike njesia Lezhë i shpreh ngushëllime më të përzemërta familjes së Lear Kurtit për humbjen e djalit të tyre në një moshë relaitivisht të re. Dita e djeshme ishte një nga ditët më të zymta të popullit shqiptar. Policia duhet të jetë mbrojtëse kryesore e çdo individi dhe çdo qytetari dhe jo të hedh benzinën mbi zjarr. Çdo ditë po largohen të rinjë nga vendi jo Angli, jo Gjermani dhe para disa ditësh Edi Rama tha që do i mbajmë peng diplomat e studentëve që është një marrëzi. Çdo ditë po ikin të rinjtë profesionistë dhe këtu do mbesin vetëm vrasës dhe njerëz të papërgjegjëshëm. Çdo ditë që dalim nga shtëpia lutemi të kthehemi në shtëpi në gjëndje të mirë sepse gjendja e shtetit është e ikriminuar nga koka tek këmbët.Arsyeja që po protestojmë është për vrasjen e Leartit, ne jemi mbledhur këtu për të bërë homazhe për vdekjen e tij, i cili u vra barbarisht nga policia . Nga kjo polici e cila është polici e krimit. Në vënd të Learit mund të ishte secili prej nesh. Po mos të ngrihemi ne rina, kush do ngrihet? Po mos të ngrihemi tani, kur do ngrihemi? Ne duhet të ngrihemi të gjithë, rinia në këmbë për këtë vrasje makabre.”– shprehen të rinjtë.
