Kryetari i Partisë Drejtësi Integrim dhe Unitet, Shpëtim Idrizi, nuk votoi mbrëmjen e djeshme ligjinn për hapjen e dosjeve.
Ai tregoi këtë mbrëmje dhe arsye se përse nuk e votoi duke sqaruar se e kishte të pamundur të ishte prezent dje në Parlament. Ndërkohë në seancën e djeshme plenare, 94 deputetë nga PS dhe grupi i Alibeajt votuan dje pro ligjit për hapjen e dosjeve.
“Nuk është e vërtetë që nuk kam votuar, po të isha ne kuvend do të votoja pro, por për arsye personale nuk votova. Është e turpshme. Pas 32 vitesh po bëjmë atë që duhet të kishim bërë që ne vitet 90, ndarjen nga sistemi i komunizmit. Më vjen mirë që është bërë një hap përpara”, tha Idrizi në një intervistë në ABC News.
