Kreu i Partisë Demokratike, Sali Berisha ka thënë se rasti i Lear Kurtit është i ngjashëm me vrasjen e Klodian Rashës nga efektivi i policisë.
Gjatë një deklarate për mediat jashtë Kuvendit, Berisha deklaroi se policia po gënjen duke shtuar se 32-vjeçari mbrëmjen e djeshme ka ndërruar jetë si pasojë e dhunës policore në komisariatin nr.3 në Tiranë.
“Policia gjithnjë gënjen, siç tha për Klodian Rashën. Prisni kur të na thonë se në një pellg ishte një revole. E kanë ndjekur, pse nuk paraqiti dokumentin, në një distancë të gjatë shumë. E kanë kapur, e kanë futur në makinë, janë sjellë shtazërisht me të dhe burimi thotë se në komisariat e kanë sjellë pa ndjenja ose të vdekur. Nuk kanë marrë autoambulancë, nuk kanë thirrur autoambulancë, nuk e kanë çuar në spital, por de fakto në morg. Gjithçka tregon se është dora kriminale e vrasësve me uniformë që i morën shpirtin një 32-vjeçare. Kishte 1000 mënyra të tjera për t’u sjellë ndaj atij të riu”, tha Berisha.
- Ngjarja
Një ngjarje e rëndë ka tronditur vendin tonë.
Mbrëmjen e djeshme shtetasi Laer Kurti (32 vjeç) pasi është shoqëruar në komisariat ka shfaqur probleme shëndetësore dhe për pasojë ka ndërruar jetë, shkaqet janë ende misterioze.
Ndalimi i 32 vjeçarit u bë rreth orës 23:07, në rrugën “Riza Cuka”. Ndonëse të riut iu bë thirrje që të ndalonte, ai nuk iu bind policisë dhe tentoi të largohej, por më pas u ndalua. Policia pretendon se momenti i ndalimit të Kurtit nga efektivët, ka ndodhur pranë një supermarketi në “Don Bosko”, i cili rezulton të ketë kamera sigurie në ambientet e jashtme, dhe kanë filmuar momentin e ndalimit e të shoqërimit.
Është ende misterioze dhe natyrshëm lind pyetja: Çfarë ka ndodhur brenda automjetit të policisë nga vendi i arrestimit deri në mbërritjen e makinës së efektivëve në ambientet e komisariatit nr.3 në Tiranë. Duke iu referuar njoftimit të policisë, Laer Kurti nuk ka mundur as të futet brenda godinës për t’u marrë në pyetje, ndërsa është ulur në një karrige në oborrin e komisariatit, ku është njoftuar edhe urgjenca.
Ndërkohë që gjendja e të riut përkeqësohej, efektivët kanë vendosur ta shoqërojnë me automjetin e tyre, ndërsa policia thotë se gjithë ky moment është fiksuar nga kamerat e objektit.
Menjëherë është kërkuar ndihma e shërbimit të Urgjencës dhe për shkak se situata shëndetësore e tij është rënduar, i riu është dërguar me mjetet e Policisë në Spitalin e Traumës, ku edhe ka ndërruar jetë.
Dyshimet sipas policisë janë se i riu mund të ketë kaluar një arrest kardiak, por do të jenë mjekët që do të përcaktojnë saktësisht shkaqet e vdekjes së tij.
Kreu i Partisë Demokratike, Sali Berisha ka thënë se rasti i Lear Kurtit është i ngjashëm me vrasjen e Klodian Rashës nga efektivi i policisë.
Gjatë një deklarate për mediat jashtë Kuvendit, Berisha deklaroi se policia po gënjen duke shtuar se 32-vjeçari mbrëmjen e djeshme ka ndërruar jetë si pasojë e dhunës policore në komisariatin nr.3 në Tiranë.
“Policia gjithnjë gënjen, siç tha për Klodian Rashën. Prisni kur të na thonë se në një pellg ishte një revole. E kanë ndjekur, pse nuk paraqiti dokumentin, në një distancë të gjatë shumë. E kanë kapur, e kanë futur në makinë, janë sjellë shtazërisht me të dhe burimi thotë se në komisariat e kanë sjellë pa ndjenja ose të vdekur. Nuk kanë marrë autoambulancë, nuk kanë thirrur autoambulancë, nuk e kanë çuar në spital, por de fakto në morg. Gjithçka tregon se është dora kriminale e vrasësve me uniformë që i morën shpirtin një 32-vjeçare. Kishte 1000 mënyra të tjera për t’u sjellë ndaj atij të riu”, tha Berisha.
- Ngjarja
Një ngjarje e rëndë ka tronditur vendin tonë.
Mbrëmjen e djeshme shtetasi Laer Kurti (32 vjeç) pasi është shoqëruar në komisariat ka shfaqur probleme shëndetësore dhe për pasojë ka ndërruar jetë, shkaqet janë ende misterioze.
Ndalimi i 32 vjeçarit u bë rreth orës 23:07, në rrugën “Riza Cuka”. Ndonëse të riut iu bë thirrje që të ndalonte, ai nuk iu bind policisë dhe tentoi të largohej, por më pas u ndalua. Policia pretendon se momenti i ndalimit të Kurtit nga efektivët, ka ndodhur pranë një supermarketi në “Don Bosko”, i cili rezulton të ketë kamera sigurie në ambientet e jashtme, dhe kanë filmuar momentin e ndalimit e të shoqërimit.
Është ende misterioze dhe natyrshëm lind pyetja: Çfarë ka ndodhur brenda automjetit të policisë nga vendi i arrestimit deri në mbërritjen e makinës së efektivëve në ambientet e komisariatit nr.3 në Tiranë. Duke iu referuar njoftimit të policisë, Laer Kurti nuk ka mundur as të futet brenda godinës për t’u marrë në pyetje, ndërsa është ulur në një karrige në oborrin e komisariatit, ku është njoftuar edhe urgjenca.
Ndërkohë që gjendja e të riut përkeqësohej, efektivët kanë vendosur ta shoqërojnë me automjetin e tyre, ndërsa policia thotë se gjithë ky moment është fiksuar nga kamerat e objektit.
Menjëherë është kërkuar ndihma e shërbimit të Urgjencës dhe për shkak se situata shëndetësore e tij është rënduar, i riu është dërguar me mjetet e Policisë në Spitalin e Traumës, ku edhe ka ndërruar jetë.
Dyshimet sipas policisë janë se i riu mund të ketë kaluar një arrest kardiak, por do të jenë mjekët që do të përcaktojnë saktësisht shkaqet e vdekjes së tij.
