Kryeministrja e Britanisë së Madhe, Liz Truss, dha dorëheqjen nga posti, pas vetëm 45 ditësh në detyrë.
Liz Truss ka njoftuar se ajo po jep dorëheqjen si kryeministre, duke shkaktuar një garë të re për udhëheqjen e konservatorëve, e cila do të përfundojë “brenda javës së ardhshme”.
Truss tha se kishte kuptuar se “nuk mund të japë mandatin në të cilin unë u zgjodha nga Partia Konservatore. Prandaj, kam folur me Madhërinë e Tij Mbretin për ta njoftuar se po jap dorëheqjen si lider i Partisë Konservatore.
Këtë mëngjes takova kryetarin e Komitetit të vitit 1922, Sir Graham Brady. Ne ramë dakord që do të ketë një zgjedhje për udhëheqje që do të përfundojë brenda javës së ardhshme.
Kjo do të sigurojë që ne të mbetemi në një rrugë për të realizuar planet tona fiskale dhe për të ruajtur stabilitetin ekonomik dhe sigurinë kombëtare të vendeve tona. Unë do të qëndroj si Kryeministër derisa të zgjidhet një pasardhës.”
