Shumë shqiptarë mund ta kenë harruar fjalimin e Edi Ramës më 2 prill të viti 2019 në një takim në Librazhd në kuadër të turit “Bashkia që Duam”.
Teksa kryeministri i thurte sulme të qëndisura me ironi opozitës së drejtuar asokohe nga Lulzim Basha dhe Monika Kryemadhi, shprehej me fjalor pornografik duke u thënë dy liderëve se në fund të zgjedhjeve do të merrnin “Noc Rrokun”, referuar organit gjenital.
“Tani ata dalin dhe hynë mes turmës dhe i thonë popullit se tani jemi si ju dhe u thonë hidhuni ju, digjni, hidhuni ju dhe shkatërroni, hidhuni ju dhe bëni rrëmujë, se kush e di mund të marrim pushtetin. Jo more! Noc Rrokun do të marrësh Lul, jo pushtetin! Se kush do marrë Nocin se kush do marrë Rrokun, ndaje me Monikën pastaj”, tha Rama asokohe.
Fjalori i papërshtatshëm i personit që është mandatuar të drejtojë Shqipërinë u kritikua gjatë, por Rama vijoi ta përdorte herë pas here “Noc Rrokun” në turin e tij të takimeve.
Por, duket se shprehja që vetë përdori i është kthyernë bumerang, pasi një prej pedagogëve në protestën e ditës së sotme, teksa i përgjigjej deklaratës së kryeministrit për vetting tha se nga hetimi i pasurisë së tyre “Noc Rrokun”, do të gjej Rama.
“Noc Rrokun ka për të gjet ky kryeministri. Patronazhistët nuk i pres të na dalin në protestë”, tha pedagogu.
Duke bërë thirrje që studentët t’i mbështesin dhe të dalin me ta në protestë, pedagogu shtoi se ditët e leksioneve do të zëvendësohen dhe se ata i qëndrojnë kauzës pavarësisht tentativave për t’i intimiduar.
“Jemi në të drejtën tonë ligjore të vazhdojmë protestat. Kjo është një tallje dhe lëmoshë që ai do të na japë ne. Nuk po kërkojmë dyfishim rroge, është kërkesë për dinjitet. Studentët të mos shqetësohen sepse ka edhe dy javë të tjera që vijon aplikimi për t’u regjistruar. Ditët e leksioneve do të zëvendësohen siç bëmë gjatë pandemisë. Te mjekësia mbase janë edhe të intimiduar nga rektori por këtu tek politekniku bojkoti është total, po ashtu edhe tek universiteti i Arteve”, tha ai.
