Katër persona kanë rënë në prangat e policisë së Elbasanit ditën e sotme.
Policia e Elbasanit ka bërë me dije se ka rënë në pranga shtetasi Hekuran Çekrezi (61 vjeç), banues në Prrenjas, pasi Gjykata e ka dënuar me 6 muaj burgim, për veprën penale “Dhuna në familje”. Gjithashtu janë arrestuar edhe 3 shtetas të tjera për vepra të ndryshme penale.
“Vihen në pranga 4 shtetas, për vepra të ndryshme penale. Nga specialistët për Hetimin e Krimeve të Komisariatit të Policisë Librazhd u bë ndalimi i shtetasit Hekuran Çekrezi, 61 vjeç, banues në Prrenjas, pasi Gjykata e Rrethit Gjyqësor Elbasan e ka dënuar me 6 muaj burgim, për veprën penale “Dhuna në familje”.
Specialistët e Qarkullimit Rrugor të DVP Elbasan arrestuan në flagrancë shtetasit: R. Ç., 33 vjeç, banues në Peqin, pasi u kap nga shërbimet e Policisë Rrugore, duke drejtuar automjetin, në gjendje të dehur; S. Z., 53 vjeç, banues në Elbasan, pasi u kap duke drejtuar automjetin, pa leje drejtimi; E. B., 30 vjeç, banues në Cërrik, pasi u kap duke drejtuar motomjetin, pa leje drejtimi”, njofton policia.
Materialet i kaluan Prokurorisë, për veprime të mëtejshme procedurale.
