Largimi i të rinjve, pa mbushur moshën 18 vjeç, po vjen duke u shtuar.
Sipas statistikave, 5% e të rinjve nuk regjistrohen në gjimnaz dhe një numër i konsiderueshëm e braktisin shkollën para se të arrijnë klasën e Maturës.
“Arsimi i mesëm ka qënë dikur me detyrim pastaj është librealizuar. Do të ishte shumë që të ishte i detyrueshëm. E para që të mos rritet një brez injorantësh, të mos braktisin shkollën, ta kenë të detyrueshëm. Në momentin që njeriu mbaron mësimin e detyrueshëm, është i përgatitur edhe për një treg punë edhe për të ikur jashtë”, thotë pedagogu Aleksandër Biberaj.
“Nëse do të ishte një arsim i detyrueshëm. mbase çdo nxënës do të merrte një zanat dhe të orientohet në tregun e punës”, theksoi pedagogu Alban Rakipi.
Pedagogët, thonë se kjo vjen si pasojë e politikave të gabuara nga qeveria. Një ndër to është dhe fakti që arsimi i detyrueshëm në Shqipëri nuk përfshin 3 vitet e shkollës së mesme.
“Qeveria duhet të ketë politika stimuluese për brezin e ri, përmes arsimit. Në moshën 14-18 vjeç, është mirë te jenë në bankat e shkollës, janë shumë të rinj për t’u përballur me jetën dhe pastaj mund të marrin rrugë të gabuara”, nënvizoi Biberaj.
shumë të rinj nga fRanca kanë zgjedhur mënyrën e ikjes dhe të themi që kjo është një fatqeqësi duhet bërë një gjë në këtë drejtim. Duhet një politikë më e mirë menduar afatgjatë në mënyrë që qoftë ksuhtet e zhillimit të mësimit por dhe të punësimit të më jenë më të favorshme për këta individë”, sipas Rakipit.
Në planin e strategjisë së Ministrisë së Arsimit, nuk është përfshirë një plan i tillë. Në këto kushte, të rinjve largohen dhe kërkojnë një të ardhme, jashtë Shqipërisë.
Në shumë vende të Bashkimit Europian, arsimi i detyruar përfshin edhe gjimnazin. Në Maqedoninë e Veriut prej vitit 2008 gjimnazi eshte me detyrim.
Kjo ka sjellë më shumë nxënës në bankat e shkollës e larg rrugës, ku e ardhmja është e pasigurt. Kushdo që nuk e respekton, gjobitet me 1 mijë euro.
