Qeveria ka marrë masa për kursimin e energjisë elektrike në një kohë ku jemi në mes të një krize globale. Kështu me anë të një projektligji qeveria ka parashtruar të gjitha masat që do të merren për kursimin e energjisë duke përfshirë abonentët familjarë por dhe institucionet shtetërore.
Në projektligj sqarohet se në ambientet e jashtme të institucioneve publike, rrugët ndërqytetase kryesore dhe dytësore, objektet e kulturës, monumentet dhe shatërvanet dritat do fiken çdo ditë pas orës 20:00. Nga kjo masë masë përjashtohet ndriçimi i rrugëve të qyteteve.
Gjatë verës, kondicioneri nuk duhet të gradohet në temperaturë më të ulët se 27 gradë Celsius, ndërsa gjatë dimrit nuk duhet të jetë më i lartë se 21 gradë.
Pikat në projektligj:
Ndalohet perdorimi i ajrit te kondicionuar ne temperature mete ulet se 27
grade gjate veres dhe mete larte se 21 grade gjate dimrit;
b) Nderpritet ndrivimi i jashtem i godinave te klienteve jofamiljare publike
9do dite pas ores 22:00;
c) Nderpritet ndrivimi rrugor i rrugeve nderqytetase kryesore dhe dytesore;
9) Nderpritet ndrivimi i jashtem i objekteve te kultures, monumenteve,
shesheve, shatervaneve.
Ndërkohë ky akt normativ do të jetë në fuqi për aq kohë sa zgjat periudha e gjendjes së emergjencës në furnizimin me energji elektrike dhe nuk është i zbatueshëm për institucionet e ofrimit të shërbimeve shëndetësore, shkollat, kopshtet, komisariatet e policisë dhe institucionet e ekzekutimit të vendimeve penale.
Projektligji detyron klientët buxhetorë të reduktojnë konsumin e energjisë elektrike të godinave të tyre, në masën 15%, krahasuar me muajin përkatës të një viti më parë, ndërsa në të kundërt do të gjobiten me 50,000 lekë të reja, gjiobë që i referohet administratorit të institucionit.
“Mosarritja e perseritur ne dy muaj e mases se kursimit te energJlse nga institucioni, shoqeria apo ndermarrja konsiderohet shkelje administrative dhe denohet me gjobe, ne masen 50 000 (pesedhjete mije) leke. Masa administrative i vendoset titullarit te institucionit, administratorit te shoqerise apo ndermarrjes, qe ka pergjegjesi administrimi pronen perkatese”. thuhet në projektligj.
Ndërkohë në projektligj është saktësuar dhe masa e financimit për klientët familjarë që do të vendosin panele diell në kuadër të kursimit të energjisë.
“Agjencia per Efiçencen e Energjise financon projektet per instalimin e paneleve diellore, per ngrohjen e ujit sanitar per klientet familjare. Financimi perfshin jo me shume se 70% te vleres se impiantit dhe kostos se instalimit. Financimi i mases mbeshtetese behet vetem nga te ardhurat per sherbime ndaj te treteve, te arketuara nga agjencia gjate vitit buxhetor. Fondet e pashfrytezuara per kete qellim mbarten ne vitin pasardhes”, thuhet në projektligj
lnstitucioni që ngarkohet për zbatimin e këtij akti normativ është Ministria e Infrastrukturës dhe Energjisë, ndërkohë që me vendim të Asamblesë së Përgjithshme të OSHEE-së është ngritur struktura e posaçme “Task-Forca e Energjisë.
Ndërkohë edhe gjatë ditës së sotme kryeministri, Edi Rama ka bërë thirrje për kursimin e energjisë elektrike. Ai paralajmëroi se dimri do të jetë i vështirë. Gjatë vizitës së tij në Muzeun Etnografik në Gjirokastër Rama “u tërhoqi veshin” drejtuesve pasi në një nga dhomat drita qëndronte ndezur dhe pse nuk ishte e nevojshme. Edhe më herët ministria e Energjisë dhe Infrastrukturës ka bërë thirrje për kursimin e energjisë elektrike ku dhe parashtroi planet që do të ndiqen nga institucionet.
