Primaret për zgjedhjet lokale në Partinë Demokratike pritet të mbahen më 4 Dhjetor.
Vendimi mësohet se është marrë gjatë mbledhjes që Sali Berisha mbajti këtë të Martë me Kryesinë e Partisë Demokratike.
Më pas, deri më 6 nëntor do të identifikohen kandidatët, në një proces ku përfshihen edhe aleatët.
Nga data 6 nëntor e deri më 13 nëntor do të ketë një filtrim të kandidaturave.
E nga ky moment e deri më 4 dhjetor, kandidatët zyrtarë do të kenë kohë të zhvillojnë fushatë për garën brenda partisë.
Më 4 dhjetor në të gjithë Shqipërinë do të votohet për primaret, ku do të dalin emrat që do të jenë përballë socialistëve në zgjedhjet lokale.
Përjashtim nga këto afate mund të bëjnë vetëm bashkitë e mëdha, si Tirana, Elbasani apo Durrësi.
Ndërkohë, mësohet se Sali Berisha iu ka dhënë 10 ditë kohë negociatave me grupin Alibeaj. Dy grupimet janë në bisedime me qëllim që të dalin me një kandidat në zgjedhjet e ardhshme lokale.
