Një grua britanike e cila po merrte pjesë në një festë për gjuetinë e derrave të egër në Francë është vrarë nga një koleg gjuetar.
Burimet gjyqësore vendore shprehen se 67-vjeçarja u qëllua sipër zemrës dhe u dërgua në spitalin Saint-Brieuc, , ku humbi jetën nga plaga, tha prokurori publik Nicolas Heitz.
Kolegu i saj gjuetar 69-vjeçar, raportohet se ‘kishte qëlluar teksa mbante pushkën e tij mbi sup, në drejtim të viktimës’, njoftonin autoritetet.
Burri është arrestuar dhe ndaj tij kanë nisur hetimet për vrasje nga pakujdesia. “Ende nuk janë qartësuar rrethanat e sakta të incidentit, tha Heitz duke e përshkruar vrasjen si një ‘ngjarje apo aksident dramatik’.
Në event ishin rreth 12 gjuetarë deh dy të ftuar, tha prokurori, duke shtuar se dy personat e përfshirë në aksident po lëviznin në një fushë misri kur u dëgjua e shtëna, sipas rrjetit Upday.
Autoritetet thanë se burri nuk ksihte konsumuar alkool ose substanca të tjera.
