Një efektiv i policisë rrugore ka rënë ditën e sotme në prangat e policisë turke, pasi është kapur me një sasi të konsiderueshme lëndësh narkotike.
Burimet paraprake bëjnë me dije se në pranga ka rënë efektivi Florenc Bicerri.
Bicerri ka udhëtuar më datën 5 tetor nga Rinasi drejt Turqisë, i shoqëruar me shtetasin Kujtim Çeliku.
Ky i fundit Çeliku rezulton i dënuar më përpara për vjedhje.
Mësohet se në sajë të operacionit të policisë turke, në pranga ra gjithashtu edhe shtetasi tjetër shqiptar, i identifikuar si Adrian Qirici.
Ndërkohë në lidhje me përfshirjen e efektivit të Rrugores në trafik ndërkombëtar të drogës, AMP ka nisur hetimet.
