Kryeministri Edi Rama i ka bërë një lojë kryeministrit të Kosovës, Albin Kurti në Berlin. Ai është afruar dhe i ka mbyllur sytë me duar, e ka kërkuar që ta gjejë se kush është.
Analisti Andi Bushati komentoi videon e kryeministrit dhe shkruan se Rama prodhon shfaqje të tilla, të padenja, sa herë që ndihet keq.
“Nga loja kukameshefti e Ramës me Kurtin në pamje të parë duket sikur u vu ne siklet kryeministri i Kosovës, që u skuq vesh më vesh dhe qeshte me zor.
Por ama po të shohësh imazhet e mëparshme, s’e ke të vështirë të kuptosh se Rama prodhon shfaqje të tilla, të padenja, sa herë është ai që ndihet keq.
Mjafton të kujtosh shoun me grimasa që bënte në TV gjatë protestave studentore, foton gjysëm cullak te Ermal Mamaqi, po në të njëjtën kohe dhe ecejaken si i marrë nëpër studio, kur pyetej për vjedhjen te inceneratoret.
Kjo vlen dhe për skenën me Albinin, sepse kur është i pafuqishëm ndaj të vërtetës, ai vendos të bëjë klounin,” shkruan Bushati.
