Një aksion policor është zhvilluar këtë të shtunën në Vlorë. Mësohet se policia e Vlorës dhe Forcat e Ndërhyrjes së Shpejtë kanë shoqëruar dy persona.
Shkaku i shoqërimit nuk dihet ende.
Kjo nuk është hera e parë që FSHN zbarkon në Vlorë. Para disa ditësh në një dalje për mediat policia e Vlorës u pyet në lidhje me kontrollet e shumta që kanë zhvilluar se fundmi në bashkëpunim me Forcat e Ndërhyrjes së Shpejtë në qytetin bregdetar.
“E vërtetë që FNSH ka qenë prezent ne qytetin e Vlorës. Ka një plan të detajuar nga shërbimet e policisë, e kemi pasur dhe mbështetjen e tyre. Këto kontrolle do vijojnë e në javët në vijim ne lidhje me procedimet qe kane ngritur skuadrat e hetimit”, tha zyrtari i Policisë.
