Sekretari i Përgjithshëm i Bashkisë Vau Dejës, ish kryetari i njësisë Administrative, Temal, Mark Zhuri ka akuzuar shefin e komisariatit të policisë së kësaj zone, Bardhyl Saliu si personin i cili ka mbrojtur parcelat me kanabis.
Zhuri deklaron se ka informuar të gjithë institucionet dhe se i ka bërë kërkesë, kryeministrit Edi Rama, ministrit të brendshëm Bledi Çuçit dhe drejtorit të policisë aso kohe Gledis Nanon dhe nuk ka marrë asnjë përgjigje.
Zhuri deklaron se pak ditë më parë është kërcënuar nga Saliu pas denoncimeve që ka bërë. Pas kërcënimeve Zhuri i është drejtuar prokurorisë së Shkodrës ku ka denoncuar shefin e policisë, Bardhyl Saliu për drogë dhe kërcënim ndaj tij.
Zhuri shprehet se Bardhyl Saliu ka mbrojtur parcela droge në Temal ku ka marrë para nga trafikantët ndërsa në muajin korrik sipas Zhurit me urdhër të Saliut janë djegur 200 hektar pyje duke bërë një masakër mjedisore.
Zhuri ka kërkuar largimin nga puna të menjëhershëm të Saliut si shef i policisë në Vau Dejës si dhe zbardhjen e kësaj situate kriminale.
