Detaje të reja janë zbardhurr nga aksidenti që ndodhi ditën e djeshme në Itali. Mësohet se 23-vjeçari shqiptar Edi Berisha është viktima e aksidenti rrugor.
Sipas mediave vendase, Berisha ishte në timonin e një Renault Clio, në të cilin ishte e pranishme edhe vajza e tij 1-vjeçare. Dyshohet se makina ka kaluar në korsinë e kundërt teksa po udhëtonte në drejtim të Salos, në atë moment po vinte një mjet i rëndë dhe përplasja ishte e pashmangshme.
Berisha ndërroi jetë menjëherë ndërsa vajza e vogël u shpëtua dhe u shtrua në spital. Lëndime jo të rënda mori shoferi i kamionit 52-vjeçar, i cili u dërgua në spital pas përplasjes.
Automjetet e përfshira kanë përfunduar në sekuestrim, ndërsa trupi i Berishës është dërguar në morg ku do ti bëhet autopsia.
Djali ishte me origjinë nga Shqipëria, por prej disa kohësh jetonte në një shtëpi në Gavardo. Më pak se një muaj më parë ai kishte mbushur 23 vjeç. Në Val Sabbia ai njihej për lojën e futbollit në disa ekipe amatore dhe për kryerjen e punëve të truprojës në të kaluarën.
