Kryetari i Partisë së Lirisë, Ilir Meta, në një konferencë me gazetarët, ka komentuar progres raportin e BE për Shqipërinë duke evidentuar disa nga pikat kryesore të tij.
Meta u shpreh se këto pika të cilat kanë kritika të shumta për Shqipërinë, janë tregues i qartë i mungesës së vullnetit për të bërë reformat e kërkuara nga BE.
“Miratimi i një amnistie tatimore dhe penale kundër këshillave të BE-së dhe Moneyval-it mund të rrezikojë përparimin në këtë fushë, si dhe luftën kundër pastrimit të parave.
Sa i përket shtetësisë, Shqipëria duhet të frenohet nga zhvillimi i një skeme të nënshtetësisë së investitorëve (pasaporta të arta) pasi do të përbënte rreziqe përsa i përket sigurisë, pastrimit të parave, evazionit fiskal, financimit të terrorizmit, korrupsionit dhe infiltrimit nga krimi i organizuar dhe do të ishte i papajtueshëm me acquis të BE-së”, u shpreh Meta.
