Padia e përgatitur dhe e paraqitur pranë Gjykatës, argumenton dëmin e shkaktuar nga vendimi i MAS për ndërprerjen e arsimimit për fëmijët e grup moshave 3 – 6 vjeç.
Prindërit e fëmijëve të kopshtit Zubeyde Hanim, i janë drejtuar Gjykatës Administrative të Shkallës së Parë Tiranë, për pezullimin e zbatimit të akteve administrative dhe shfuqizim të vendimeve. Padia e përgatitur dhe e paraqitur pranë Gjykatës, argumenton dëmin e shkaktuar nga vendimi i MAS për ndërprerjen e arsimimit për fëmijët e grup moshave 3 – 6 vjeç.
NJOFTIMI I PRINDËRVE:
Dosja përmban mbi 1400 faqe dhe mund të konsiderohet si një ndër dosjet më voluminoze të paraqitura në gjykatë. Provat dokumentojnë dëmin e shkaktuar te fëmijët dhe faktojnë vendimin e padrejtë në kundërshtim me dispozitat ligjore. Legjitimimi i 134 paditësve, prindër dhe fëmijë tëKopshtit Zubeyde Hanim, mbështetet në prova dhe argumente bindëse, mes të cilave mund të parashtrohen këtu disa:
1. Kërkesat e herëpashershme të institucionit arsimor të drejtuara institucioneve në varësi të Ministrisë së Arsimit dhe mos-marrja e asnjë përgjigjeje;
2. Dokumentimi i ekzistencës së aktit higjeno-sanitar qoftë në momentin e inspektimit, nga inspektorët e institucioneve në varësi të MAS, po aq edhe nga një tjetër akt i rimarrë nga institucioni brenda muajit shtator;
3. Përgjigjet negative të marra nga familjet e fëmijëve prej kopshteve publike dhe private të rekomanduara nga MAS për të pranuar fëmijët e tyre pas mbylljes së kopshtit Zubeyde Hanim;
4. Situata e rënduar psikologjike e fëmijëve, e dokumentuar kjo përmes akt-ekspertizave nga psikologë të licencuar në Republikën e Shqipërisë;
5. Të gjitha aktet ligjore kombëtare dhe ndërkombëtare që mbështesin të drejtën e arsimimit të fëmijëve;
Kopshti “Zubeyde Hanim” është mbyllur me urdhër të ministres së Arsimit dhe Sportit të Shqipërisë, Evis Kushi, urdhër i cili mban datën 15 shtator 2022, publikuar në Fletoren Zyrtare të Shqipërisë të datës 20 shtator 2022. Heqja e licencës bëhet për shkak të konstatimit të shkeljeve të rënda të legjislacionit në fuqi, që përbëjnë mosplotësim të kushteve të licencimit. Kopshti në fjalë ushtron aktivitetin në një godinë, për të cilin nuk është marrë miratimi nga ministri përgjegjës për arsimin dhe institucioni përkatës i licencimit.
