Kryetari i Partisë Demokratike, Sali Berisha në konferencën e përjavshme me gazetarët tha se brenda Partisë Socialiste po zhvillohet një luftë për pushtet.
Kjo luftë po bëhet mes kryebashkiakut Erion Veliaj dhe kryeministrit Edi Rama.
“Është një betejë për jetë a vdekje mes Veliajt dhe Ramës. Deri më tani këtë betejë po e fiton Erion Veliaj. Ne konsiderojmë ata si të keqen më të madhe të këtij vendi por nuk ndërhyjmë në grindjen e tyre të brendshme”, u shpreh Berisha.
Gjatë takimit Berisha ka folur dhe për fjalimin e Ramës në Strasburg në lidhje me rishikimin e raportit të Dick Marty.
Berisha, tha se Rama i futi thikën Kosovës, sepse në momentin më të papërshtatshëm, kur Kosova kishte nevojë për lobim pozitiv për anëtarësim në Këshillin e Evropës.
