Një përleshje e dhunshme ka ndodhur mes disa shqiptarëve dhe dy personave të tjerë gjatë festimeve për “Palio di San Michele” në Bastia Umbra, Itali.
Njëri prej tyre ishte goditur në kokë me dhunë, ndërsa tjetri, i goditur me grusht, kishte rënë në tokë duke humbur ndjenjat. Sulmuesit më pas u larguan me makinë duke humbur gjurmët.
Hetuesit, falë pamjeve të sistemeve të vëzhgimit me video dhe elementeve të mbledhura në kuadër të disa kontrolleve në shtëpi, arritën të gjurmojnë identitetin e tre prej pjesëmarrësve në përleshje, të gjithë me origjinë shqiptare – dy nga 19 vjeç dhe një 25 – i njohur për policinë.
Hetimet e mëtejshme bënë të mundur konstatimin se në përleshje kishte marrë pjesë aktive edhe një nga të dhunuarit.
Për këto arsye të katër personat u referuan në Autoritetin Gjyqësor për veprën penale të zënkës së rëndë. Po vijojnë hetimet për identifikimin e personave të tjerë të përfshirë.
