Nga Boldnews.al
Në një raport të dy viteve më parë, KLSH hodhi dritë mbi shpenzimet e luksit të institucioneve shtetërore. Plot 91 milionë euro ishin tenderuar për mobilimin e zyrave, udhëtimet me avion, makinat apo edhe shpenzimet për shtëpitë e pushimit. Megjithatë, pas atij raporti, të publikuar edhe nga PD-ja, institucionet bënë disa hapa pas, duke pezulluar këto tendera, pasi shuma ishte marramëndëse dhe mund të ishin bërë çerdhe, kopështe, shkolla apo qendra shëndetësore me aq para. Por, a kanë mjaftuar?! Natyrisht, oreksi vjen duke ngrënë, ose titullarët e Bashkisë së Tiranës janë të njohur për shpenzime luksi. Madje, edhe në udhëtime, siç ishte rasti i Maznikut në Dubai.
Në kohën për Lali Eri trumbetonte me të madhe bërjen e një Teatri të ri, në truallin e atij që shkatërroi, Bashkia e Tiranës hapi një tender për blerje mobiljesh. Në fakt, këto blerje janë cilësuar si shpenzime të tepërta nga Kontrolli i Lartë i Shtetit. Sipas dokumenteve që disponon BoldNews.al, bëhet fjalë për tenderin me objekt “blerje pajisje për zyrat”, me një fond prej 37.497.780 lekë pa TVSH. Ose, me TVSH, rreth 380 mijë euro. Një shumë e konsiderueshme në këtë kohë krize, pasi me kaq para’ mund të rregulloheshin objekte utilitare dhe jo të shpenzoheshin për menderet e punonjësve, të cilët janë shtuar dita-ditës në atë bashki.
Sipas dokumenteve, Bashkia e Tiranës do të blejë 300 karige pune, 600 karrige rritulluese, 210 tavolina pune me kasatierë. Madje, 60 tavolina të mëdha, 270 etazher për zyrë, 60 etazherë të vogël. Megjithatë, duke dhënë përditë leje ndërtimi apo duke miratuar edhe inceneratorë apo bërë tendera, vartësit e Lali Erit kanë menduar edhe për kasaforta. Ata do të blejnë 3 kasaforta me përmasat 50x50x70 cm, ndërsakërkojnë edhe rafte metalike, dollape metalike, sirtarierë apo edhe varëse rrobash. Mos ju mungon ndonjë gjë tjetër?! Vetëm të flasin, pasi paratë i kanë (nga taksat).
Në dokumentet shoqëruese, Bashkia e Tiranës ka specifikuar edhe se ccfarë mobiljesh do të lejë, përmasat apo gjithccka tjetër. Sipas tyre, karriget rrotulluese duhet të jenë me tapiceri prej lëkure ekologjike, me shpinore të lartë. “Shpinorja duhet të jetë e përshtatshme në pozicionet vertikalisht si dhe para e prapa. Të ketë përshtatëse piston me gaz për nivelimin e lartësisë. Thellësia e ulëses e përshtatshme për përdorues të rritur” thuhet në këto dokumente.
Ndërkohë, kasaforta duhet të ketë strukturë llamarinë me trashësi jo më pak se 1.5 mm. Të ketë dy ndarje horizontale nga brenda, ku të krijohen tre hapësira. Dera të jetë e pajisur me dorezë dhe bravë automatike sekrete. “Kasaforta të ketë paraqitje estetike” është një tjetër specifikim. Ndërkohë, edhe mobiljet e tjera kanë kërkesa të larta. “Raftet metalikë të jenë sipas standarteve të CE” është kërkesa e tyre.
