Gjatë qëndrimit të tij në Turqi, kryeministri Edi Rama është takuar në Ankara me presidentin turk Recep Tayip Erdogan.
Përmes një postimi në rrjete sociale, Rama ka ndarë një foto me Erdoganin. Edhe këtë herë ka mbetur mister tema e bisedës mes tyre, kjo pasi mediat turke, por edhe kryeministri Rama nuk ka dhënë asnjë koment. Foton e takimin me Erdoganit, Rama e shoqëron me një “emoji” ku shtrëngohen duart.
Kujtojmë se marrëdhëniet e kryeministrit Rama me Presidentin turk, kanë qënë kryefjala e mediave disa ditë pas mbylljes së kolegjit “Mehmet Akif”, ku u aludua se erdhi me urdhër të këtij të fundit.
