Është publikuar videoja nga restoranti në Lushnje ku shtetasi Shenasi Loha u pa për herë të fundit.
Gazetari investigativ, Artan Hoxha ka zbardhur detaje të reja në lidhje me zhdukjen e 47 vjeçarit nga Ferizaj i Kosovës.
Loha rezulton i zhdukur që prej 7 muajsh, ndërsa dyshohet se zhdukja e tij ka të bëjë me një aferë të mundshme me lidhjen e narkotrafikimit ndërkombëtar midis Ekuadorit dhe Europës. Në videon e siguruar nga Hoxha, Loha është parë për herë të fundit në një restorant në Lushnje nën shoqërimin e Mitri Priftit.
Më pas ai ka dalë nga restoranti, ka hipur në mjetin e Priftit dhe që prej atij momenti nuk është bërë më i gjallë.
“Kjo eshte video ekskluzive e “Emisionit Xhungel” ku eshte pare per here te fundit shtetasi nga Kosova, Shenasi Lohaj, i deklaruar i zhdukur, qe nga pasditja e 13 marsit 2022. Shenasi Loha, 47 vjeç, baba i dy femijeve, shfaqet pasditen e 13 marsit ne nje restorant ne qytetin e Lushnjes, ne shoqerine e Mitri Priftit. Nga ky moment nuk ka patur asnje informacion tjeter ne lidhje me Shenasi Lohen”-shkruan gazetari.
