Një shqiptar 34-vjeçar, i cili u kap duke shitur drogë në shtëpinë e tij në Cecina Arma të Italisë, është arrestuar nga policia vendase.
Autoritetet fillimisht identifikuan banesën e tij dhe gjatë hetimeve identifikuan 2 persona që sapo kishin blerë kokainë nga shqiptari. Pas kontrollit të zhvilluar në banesën e tij u gjetën 625 gramë kokainë, shumica e të cilës ishte në një “bllok” të vetëm, ndërsa pjesa e mbetur e ndarë në doza. rreth një gram secila gati për t’u shitur.
Brenda banesës u gjet po ashtu shuma 2360 euro që dyshohet se ka ardhur si rezultat i shitjes së kokainës, që së bashku me lëndën narkotike u sekuestruan.
Sakaq, pas veprimeve të policisë dhe autoriteteve përkatëse 34-vjeçari shqiptar përfundoi në burg.
