Vedat Muriqi u shndërrua në protagonist negativ në ndeshjen që po luan Mallorca e tij ndaj Elches, në La Liga.Në këtë transfertë, sulmuesi kosovar ishte mjaft aktiv në 10 minutat e para, teksa la një rast të artë para portierit. Më pas, djemtë e Aguirre fituan një penallti, e cila u humb nga Muriqi.
Futbollisti dardan gjuan keq, duke zhgënjyer tejmase tifozët mysafir. Statistikat e 28 vjeçarit me Mallorcan këtë sezon mund të quhen të mira, pasi në 7 ndeshje, 3 herë është takuar me golin. Kujtojmë që në verë ekipi i La Liga bleu përfundimisht kartonin e tij nga Lazio.
