Kievi është zgjuar ditën e sotme nga një sulm me raketa nga ana e Rusisë, një ndër të paktët që është regjistruar në qendrën e kryeqytetit ukrainas në muajin e fundit, teksa ofensiva ushtarake e Vladimir Putin e ka vendosur fokusin te 4 rajonet e aneksuara në Lindje.
Sulmi me raketa duket se ka kapur të papërgatitur edhe reporterët ndërkombëtarë, të cilët janë rivendosur në Kiev pas rikthimit të qetësisë së përkohshme.
Kështu, gazetari i BBC-së Hugo Bachega është parë i trembur teksa raportonte live dhe nxitoi të gjente strehë në momentin që shpërthimet nisën në Kiev.
This is how the BBC broadcast in Kyiv looked like in the morning. pic.twitter.com/tI1VP2skWc
— ТРУХА⚡️English (@TpyxaNews) October 10, 2022
Siç njoftoi BBC pas ndërprerjes së transmetimit, si gazetari ashtu edhe teknikët që ishin me të kanë shpëtuar pa lëndime dhe ndodhen në një strehë të sigurtë.
Ndërkohë, shërbimet ukrainase bëjnë me dije se nga shpërthimet ka “viktima”, por nuk bëhet i ditur numri i të vdekurve dhe të plagosurve.
Zyrtarët ukrainas thonë se sulmet u kryen në qendër të Kievit në atë që besohet të jetë hakmarrja e Vladimir Putin pas shpërthimit të urës në ngushticën e Kreçit, që lidh Krimenë me Federatën.