Aksident në aksin Qafë Thanë-Pogradec, makina del nga rruga, plagosen 5 persona, mes tyre 2 të mitur
Një aksident i ndodhur pak pas mesnatës në aksin Qafë Thanë-Pogradec ka shkaktuar plagosjen e 5 personave. Policia njofton se një automjet ka dalë nga rruga dhe janë plagosur shoferi e 4 pasagjerët, mes tyre 2 të mitur.
Aksidenti ndodhi rreth orës 01:45 pranë fshatit Hudënisht.
Shtetasi M. B., duke drejtuar automjetin tip “Volksëagen”, dyshohet se ka humbur kontrollin mbi drejtimin e mjetit dhe ka dalë nga rruga.
Për pasojë janë dëmtuar drejtuesi i automjetit dhe 4 pasagjerë konkretisht dy shtetaset E. S; M. S., dhe dy të mitur, të cilët aktualisht ndodhen në spitalin e Korçës, të gjithë jashtë rrezikut për jetën.