Personazhi “Iron Man” duket se është bërë realitet nga ushtria britanike, e cila ka treguar risinë e fundit teknologjike në veprim me armaturën e re fluturuese mbi portin e Nju Jorkut.
Dy ushtarë britanikë shihen duke përdorur “JET PACKS” dhe dalin jashtë luftëanijes HMS Queen Elizabeth gjatë stërvitjes anglo-amerikane.
Armatura që bëri ushtarët të fluturojnë mbi Oqeanin Atlantik është e ndërtuar nga helmeta dhe kostumet taktike që tundin flamurin e Union Jack.
Fluturimet, janë të mundësuara nga teknologjia inovative nga Gravity Industries dhe përdorin më shumë se 1000 kuaj fuqi të motorit reaktiv për t’u dhënë njerëzve një përvojë fluturimi ‘të krahasuar me jetën reale të Ironman’.
Kostumet, që të kujtojnë superheroin e Marvel mund të arrijnë shpejtësi më shumë se 85 mph dhe mund të fluturojnë për më shumë se 10 minuta.
“Ekipi dhe unë po zbatojmë vizionin për të ndërtuar Gravity në një biznes inxhinierik aeronautik të klasit botëror, për të sfiduar kufijtë e perceptuar në aviacionin njerëzor dhe për të frymëzuar një brez që të guxojë të pyesë ‘po sikur…’”, tha themeluesi dhe piloti Testues Richard Browning.
