Rezultatet e një sondazhi të publikuar sot nga Euronews Albania treguan një rënie të konsiderueshme në pëlqyeshmërinë që shqiptarët kanë për kryeministrin Edi Rama, krahasuar me qershorin e vitit 2021 ku ai kuotohej me 52.4%.
Në sondazhin e ri, Rama për pëlqyeshmërinë ndaj liderave politikë Rama arrin pikën e tij më të ulët me vetëm 40.6%, ndërsa një qasje edhe më negative nga radhët e mazhorancës bie në sy dhe është pikërisht ajo për kryebashkiakun e Tiranës, Erion Veliaj.
“Lali Eri” është vlerësuar negativisht nga 60.4% e të pyeturve dhe vetëm 33.9% e tyre e kanë vlerësuar pozitivisht, një shifër relativisht e ulët duke parë propagandën dhe shfaqjen e përditshme me “show” në televizione, ku ai përpiqet të shitet si imazhi i një “punëtori”.
Por duket se të njëjtin mendim me shqiptarët ndan edhe ish-deputeti i PS për Tiranën, Ervin Bushati, i cili e humbi vendin në Parlament për shkak të luftës brenda llojit, me Veliajn që u investua personalisht në kalimin e herësit nga Fatmir Xhafaj.
Këtë mbështetje për Xhafajn, i cili zuri vendin e tij në Kuvend si kandidat më i votuar me mbi 23 mijë vota, por edhe “aneksimin” e Partisë Socialiste të Tiranës ku ishte kryetar, duket se Bushati nuk ia ka falur Veliajt.
Teksa komentonte sondazhin e “Barometrit” në EuroNeës sa i përket pëlqyeshmërisë së liderave politikë, Bushati tha Erion Veliaj s’krahasohet dot me Edi Ramën, nëse marrim në konsideratë nivelin e pëlqyeshmërisë si kryebashkiak të Tiranës.
Duke zgjedhur mes dy të këqijave më të mëdha, Bushati ka mbajtur krahun e kryeministrit dhe kryetarit të PS duke thënë se ky i fundit është talent në Shqipëri.
“Edi Rama është politikan i zoti, nuk mund të krahasohen me Veliajn. Është politikani më i suksesshëm me zgjedhje në Shqipëri. Edi Rama është talent, në Shqipëri. Kur ka qenë kryetar bashkie ka qenë 75% pëlyeshmëri, shifër e pakapshme”, deklaroi Bushati.
