Kreu i Partisë së Lirisë Ilir Meta, ka reaguar në lidhje me vendimin e djeshëm të gjykatës për të ndryshuar masën e sigurisë për ish deputetin e PS Alqi Bllako.
Përmes një postimi në rrjetin e tij social fb, Meta u shpreh se një vendim i tillë është marrë me urdhër të kryeministrit Edi Rama.
Postimi i plotë:
Lirimi i djeshëm i Alqi Bllakos është një goditje fatale për sistemin e drejtësisë. Është një ekzekutim moral i saj i bërë me urdhër të Edi Ramës, ashtu siç bën me amnistitë e tërthorta me oligarkët dhe ndërkohë fut në burg 82-vjeçaren nga Narta e Vlorës për kotecin pa leje.
