Ish kryeministri, Sali Berisha i është përgjigjur ministres, Elisa Spiropali duke i treguar kësaj të fundit sondazhe ku opozita ishte drejt rrugës për rikthimin në pushtet.
Ndërsa ndaj deklaratës së Majkos, për financimin rus, Berisha tha se ishte ngritur komisioni i posaçëm për të kryer hetimet e nevojshme.
“Zonja tha që do vish. Ja ku është sondazhi i fundit do vijmë. Do vijmë në pushtet, opozita ecën e sigurtë drejt fitores. Ti Ulsi je i përkohshëm fare, do ikësh para se të kujtohesh. Kurrë PD nuk ka marrë një qindarkë dhe nuk mund të marrë kurrë nga një vend që e ka pozicionuar si vend armik ndaj kauzës kombëtare.
Ka ndodhur që ish kryetari i saj është akuzuar njëherë nga media dhe së fundmi nga një raport ndërkombëtarr. Për këtë është ngritur një komision që do të hetojë. Por mos harro se dosjen e hetimit e mbylli Edi Rama dhe Ëngjëll Agaçi. Edi Rama e dinte se ishin para ruse. E bëri këtë për të kapur peng Bashën apo për dosjen “Mitrokinë”, koha do ta provojë“, tha Berisha.
