Nga Boldnews.al
Të gjithë gjyqtarët e prokurorët e shkarkuar nga trupa gjyqësore e Kolegjit të Posaçëm të Apelimit, ku ka qenë gjyqtar Luan Daci dhe që janë ankuar në Gjykatën e Strasburgut për këtë shkak, kanë shpresa për rishikim të vendimit të tyre.
Gjykata Europian për të Drejtat e Njeriut konstatoi këtë të Martë se procesi i rivlerësimit të prokurorit Besnik Cani është kryer në shkelje të parimit të procesit të rregullt ligjor.
Gjyqtarët e Strasburgut kanë konkluduar se gjyqtari Luan Daci i Kolegjit të Posaçëm të Apelimit nuk plotësonte kriteret për të qenë në këtë detyrë.
Daci, i cili ka qenë gjyqtar në fillim të viteve ’90, është shkarkuar nga detyra në vitin 1997 për shkelje të rënda të ligjit.
Ky fakt përbënte ndalim pë emërimin e tij në strukturat e Vetingut. Por, institucionet e ngarkuara me verifikimin e kandidaturave, si edhe Parlamenti që miratoi emrin e Luan Dacit për anëtar të Kolegjit të Posaçëm të Apelimit (KPA), kanë dështuar gjatë procesit.
Gjykata e Strasburgut vendosi që rasti i Besnik Canit duhet rishqyrtuar nga organet përkatëse shqiptarë.
Gjithësesi, kjo gjykatë ka theksuar se rasti i Canit nuk mund të shërbejë si përgjithësues për të gjithë gjyqtarët dhe prokurorët e tjerë të shkarkuar nga trupa gjyqësore ku ka qenë pjesë Luan Daci.
Megjithatë, ky përcaktim i Gjykatës së Strasburgut nuk u heq mundësinë gjyqtarëve dhe prokurorëve që janë ankuar pranë saj, për të siguruar të njëjtën të drejtë dhe të njëjtin vendim.
Në këtë pikë, situata ndërlikohet disi.
Së pari, gjyqtarët dhe prokurorët e shkarkuar nga trupa me pjesëmarrje të Luan Dacit, duhet të kenë respektuar afatin ligjor të ankimit pranë Strasburgut, brenda 6 muajsh nga vendimi i formës së prerë në sistemit shqiptar.
Po ashtu, një pikë e diskutueshme është fakti nëse do të shqyrtohet në Strasburg çështja e emrit “Luan Daci”, në rastet kur ai ka qenë pjesë e trupave që kanë shkarkuar gjyqtarët e prokurorët ankimues, por këta të fundit nuk e kanë ngritur pretendimin se janë gjykuar nga një person që nuk ka meritat e gjyqtarit.
Gjithësesi, vendimi i Gjykatës së Strasburgut për ish-prokurorin Besnik Cani është një tronditje e fortë për mënyrën se si është zbatuar procesi i Vetingut në Shqipëri.
“Boldnews.al” ka verifikuar vendimmarrjen e Kolegjit të Posaçëm të Apelimit dhe identifikoi rreth 60 raste të gjyqtarëve e prokurorëve që janë shkarkuar nga trupa gjykuese, me pjesëmarrjen e ish-gjyqtarit Luan Daci, i cili tashmë është shkarkuar nga detyra, pasi u dënua për “falsifikim dokumentash”.
Më poshtë është lista e subjekteve të shkarkuar nga Kolegji i Posaçëm i Apelimit, ku ka qenë pjesë anëtari Luan Daci:
1. Sulejman Tola, Prokuroria Krujë
2. Fatos Lulo, Gjykata Kushtetuese
3. Besim Trezhnjeva, Gjykata e Apelit Durrës
4. Fatmir Hoxha, Gjykata Kushtetuese
5. Edmond Islamaj, Gjykata e Lartë
6. Bashkim Dedja, Gjykata Kushtetuese
7. Luan Kaloçi, Prokuroria e Apelit Tiranë
8. Gentian Trenova, Prokuroria e Apelit Tiranë
9. Astrit Faqolli, Gjykata e Apelit Tiranë
10. Antoneta Sevdari, Prokuroria Tiranë
11. Adriatik Cama, Prokuroria Tiranë
12. Admir Thanza, Gjykata e Lartë
13. Xhezair Zaganjori, Gjykata e Lartë
14. Bledar Abdullai, Gjykata e Tiranës
15. Elsion Sadiku, Prokuroria Korçë
16. Artan Broci, Gjykata e Lartë
17. Bujar Hoti, Prokuroria e Apelit Durrësë
18. Artur Malaj, Gjykata Administrative e Apelit
19. Ahmet Jangulli, Gjykata Administrative Shkodër
20. Sotiraq Lubonja, Gjykata e Apelit Korçë
21. Arben Dollapaj, Prokuroria e Apelit Shkodër
22. Ramadan Troci, Prokuroria e Përgjithshme
23. Artur Selmani, Prokuroria e Përgjithshme
24. Fatos Qato, Gjykata e Apelit Tiranë
25. Izet Kadana, Gjykata Pukë
26. Agron Valva, Gjykata Berat
27. Arben Zefi, Gjykata Shkodër
28. Alfred Gjoni, Gjykata Kurbin
29. Artan Bajrami, Prokuroria e Apelit e Krimeve të Rënda
30. Donika Prela, Prokuroria e Tiranës
31. Hysni Demiraj, Gjykata e Apelit Tiranë
32. Dritan Peka, Prokuroria e Apelit Tiranë
33. Fatmir Lushi, Prokuroria Elbasan
34. Çlirim Shahini, Prokuroria Lushnje
35. Edison Ademi, Prokuroria Korçë
36. Dritan Seci, Gjykata Tropojë
37. Albina Spaha, Gjykata Gjirokastër
38. Ferdinand Elezi, Prokuroria e Apelit Durrës
39. Roland Jaupaj, Gjykata Fier
40. Idriz Mulkurti, Gjykata e Apelit për Krime të Rënda
41. Eugen Beçi, Prokuroria e Apelit për Krime të Rënda
42. Shkëlzen Cena, Prokuroria Dibër
43. Enkeledi Hajro, Gjykata Tiranë
44. Arben Pasho, Prokuroria Gjirokastër
45. Alfred Agolli, Prokuroria e Apelit Gjirokastër
46. Artan Madani, Prokuroria Kavajë
47. Ardian Ylli, Prokuroria Vlorë
48. Ilir Mustafaj, Gjykata Tiranë
49. Hysni Vata, Prokuroria Kurbin
50. Luan Hasneziri, Gjykata për Krime të Rënda
51. Dhurata Haveri, Gjykata Tiranë
52. Besim Hajdarmataj, Prokuroria Tiranë
53. Brunilda Malo, Gjykata e Apelit Korçë
54. Astrit Haxhialushi, Gjykata e Apelit Tiranë
55. Arben Vrioni, Gjykata e Apelit Durrës
56. Agim Bendo, Gjykata e Apelit Tiranë
57. Marjana Velçani, Gjykata Administrative Durrës
58. Marsela Balili, Gjykata e Posaçme
